മടിയിലെ മണിവീണ വീണുടഞ്ഞു
ഒരു രാഗം പോലും മീട്ടാനാവാതെ;
ഉള്ളില് തിങ്ങിനിറഞ്ഞ മാസ്മര സംഗീതത്തെ
പകര്ന്നു നല്കുവനാവാതെ,
മൌനത്തിന് വാല്മീകത്തില് മയങ്ങും
തന്ത്രികള്.....
പൊട്ടിയ രുദ്രവീണതന് നൊമ്പരം
ആരാനും അറിഞ്ഞുവോ..??
പാടുവാന് കഴിവതില്ല ഒരു ഗാനം പോലും
എഴുതുവാന് കഴിവതില്ല ഒരു കാവ്യം പോലും
മനസ്സിലെ ശിബിരങ്ങള് മാഞ്ഞുപോയതിന് നൊമ്പരം
ആരാനും അറിയുന്നുവോ ..??
പാദത്തെ പുണര്ന്നു നടനമാടി കൊതിതീരാതെ,
മറവികളുടെ ലോകത്തേക്ക് വലിച്ചെറിഞ്ഞ
കനക ചിലങ്കയുടെ നൊമ്പരങ്ങള്
ആരാനും അറിഞ്ഞുവോ ...??
നിദ്രയുടെ ലോകത്ത് ഒറ്റപ്പെട്ടുപോയ മനസ്സേ..
മിഴിയിണകളെ മനപൂര്വ്വം അടക്കവേ,,
ഓര്മ്മകളുടെ മറവില്കൂടി ഓടി മറഞ്ഞ
സ്വപ്നങ്ങള്തന് നൊമ്പരമെന്തെന്നു
ആരാനും അറിഞ്ഞുവോ ...??
താനേ ചിരിച്ചും കരഞ്ഞും
പതിയെ കിന്നാരം ചൊല്ലിയും
പരിഭവം പറഞ്ഞുവന്ന കാറ്റേ
നിനക്കുമുണ്ടല്ലോ പറയാനേറെ
പൊരുളറിയാത്ത നൊമ്പരത്തിന്കഥകള്
ആരാനും കേട്ടുവോ ..??
കുളിര്തെന്നലായിന്നു നീ തഴുകേ,
നിന് മനസ്സിന് തേങ്ങല് അറിയുന്നു ഞാന്
എന്നളകങ്ങളെ ചുംബിച്ചുണര്ത്തവേ നിന് ,
കണ്ണിരിന്നുപ്പും ഞാനറിയുന്നു..
നിനക്കുമുണ്ടല്ലോ പറയാന്
പേരറിയാത്ത നൊമ്പരങ്ങളേറെ
എന്നിട്ടും വന്നുവോ...
ആരാനും കേള്ക്കുവാന് ...??
പ്രതീക്ഷയുടെ തുമ്പിചിറകുകള് തളര്ന്നോടിയുന്നു ..
സ്മൃതികളുടെ കിനാവള്ളികളില് തൂങ്ങി ഞാന്
രക്ഷപെട്ടോട്ടേ ...അകലേക്ക് ......അകലേക്ക് ........
"എങ്കിലും വിദൂരമായ ഭൂതകാലത്തിന്റെ കുറച്ച്
ഓര്മ്മകള് മാത്രം മസ്സിലുണ്ട് """!!
"""അതെന്തെന്നോ ...?????"""
മഞ്ഞരളിപ്പൂക്കളടരുന്ന
വസന്ത സായാഹ്നത്തിലേക്ക് ....
മണ്ണപ്പം ചുട്ട് കാത്തിരിപ്പിന്റെ
പരിഭവം ഉള്ള കളിവീട്ടിലേക്ക് ....
തെളിനീര് നിറഞ്ഞ പായല് മൂടിയ
അമ്പലക്കുളത്തിലെ തണുപ്പിലേക്ക്.........
ഹരിതഭംഗി നിറഞ്ഞ നീരോലിപ്പടര്പ്പുകള്
ചാഞ്ഞ ഇടവഴിയിലേക്ക്.......
കുന്നിക്കുരുവും മഞചാടിമണികളും
സ്ലെയിറ്റും കല്ലുപെന്സില് തുണ്ടുകളും
മയില്പ്പീലിത്തുണ്ടുകളും
നിറച്ചു വച്ച മണിച്ചെപ്പിലേ ബാല്യം ...
പിന്നെ .......
രാമായണത്തിലേ ശാരിക പൈതലും
ഭാരതത്തിലേ പാഞ്ചാലിയും ...
ശകുന്തളയും...സാവിത്രിയും ..ഇതൊക്കേ
എന്റെ മുത്തശ്ശിപറഞ്ഞ കഥകള് .....
""ഭാവി കാലത്തില് എന്ത് ?? എങ്ങനെ ??
ഇവിടെ എനിക്ക് ഒന്നും ഓര്ത്തു
സൂക്ഷിക്കാന് ഉണ്ടായിരുന്നില്ലാ"".
ഈ കാലത്തില് നിന്നും ഒരു മോചനം
വേനലിന്റെ ഉഷ്ണ പുഷ്പങ്ങളില് നിന്ന്
ഒരു ചാറ്റല് മഴയുടെ വിതുമ്പലില് നിന്ന്
പുലര്മഞ്ഞിന്റെ കനത്ത ശീതത്തില് നിന്ന് ..
ഞാന് രക്ഷപെട്ടോട്ടേ .......
അകലേക്ക് ......അങ്ങ് ..അകലേക്ക് ....