Monday, November 26, 2012

രാത്രി














ഇന്നെന്‍റെ കിനാവില്‍ കളഭം കലര്‍ത്തുവാന്‍ 
ശൃംഗാരലോലയായ്  രാത്രി വന്നു ...

ഇന്നെന്‍ നിനവിന്‍റെ നൊമ്പരം മാറ്റുവാന്‍ 
പൊന്‍കുളിര്‍ രാഗമായ് രാത്രി വന്നു ...

മന്ദാര മാലകള്‍ ചാര്‍ത്തിയ വിണ്ണിന്‍റെ നന്ദനം 
പൈമ്പാല്‍ ചൊരിഞ്ഞു രാത്രി വന്നു  ...

പോയ കാലത്തിന്‍റെ മായ മരീചികളില്‍ 
മാരിവില്‍ ഭംഗി പൊഴിച്ചു  രാത്രി വന്നു ...

രാവില്‍ മഴ പെയ്തു നില്‍ക്കുകില്‍ പൌര്‍ണ്ണമി 
തൂമന്ദഹാസക്കുട നിവര്‍ത്തും പോലെ രാത്രി വന്നു ... 

ആകയാല്‍ നീറുമെന്‍ ചിത്തമേ...
മേല്‍ക്കുമേല്‍ പൊട്ടിച്ചിരിച്ചു കളിച്ചോഴുകും 
പോല്‍ ശൃംഗാരലോലയായ്  രാത്രി വന്നു .....