കടലിന്റെ മൂന്നു പര്യായമറിയാത്ത പെണ്കുട്ടി
കടലിനോടു പറഞ്ഞു ..
നീ, ചരിത്രമാണ്
നിന്റെ ഓരോ തിരയും
ചിതറിത്തെറിക്കുന്ന ഒരായിരം സത്യങ്ങളാകുന്നു ..
കടലിലപ്പോള് വേലിയേറ്റമുണ്ടായി
അപ്പോള് ,
തിര അവളോടു മന്ത്രിച്ചു....
നീയും , ചരിത്രത്തിന്റെ ഭാഗമായെങ്കില് ....!!
പെണ്കുട്ടിയുടെ ഹൃദയം ചുഴിയായി മാറി ..
മിഴികള് മഴമേഘങ്ങളായി ..
പിന്നെ കടലിന്റെ പര്യായമറിയാത്ത പെണ്കുട്ടി
കടലില് മറ്റൊരു കടലായി
ചരിത്രത്തിലേക്ക് തുഴഞ്ഞു കയറി ....
