Wednesday, March 13, 2013

ചാറ്റല്‍മഴ














എന്‍റെ ഹൃദയം ഒരു പൂവിനെപ്പോലെ ആയിരുന്നു ..
ഒരുപാട് സുഗന്ധം ഞാന്‍ ഒളിപ്പിച്ചു വെച്ചിരുന്നു , 
എന്നിട്ടും അതിന്‍റെ സുഗന്ധം അറിയാന്‍ ആരും വന്നില്ല ..
പക്ഷേ ...ഞാന്‍ വിളിച്ചാല്‍ ഓടിയെത്തുന്ന 
എന്‍റെ മഴനീര്‍ത്തുള്ളികള്‍ എന്നെ ഒരുപാട് പ്രണയിക്കുന്നു .
അവ ഓടിയെത്താറുണ്ട് ഞാന്‍ തനിച്ചായി പോകുമ്പോഴൊക്കെ ..

സന്ധ്യക്ക് പെയ്ത ചാറ്റല്‍ മഴ മനസ്സില്‍ 
നേര്‍ത്ത നൊമ്പരം നല്‍കിയാണ്‌ കടന്നു പോയത്
ഒരിക്കല്‍ അടച്ചു വെച്ച അധ്യായം പില്‍ക്കാല 
ചിന്തയില്‍ നേര്‍ത്ത നൊമ്പരമായി വീണ്ടും എത്തി . 

എനിക്കും നിനക്കും ഒന്നാകാന്‍ പറ്റാത്തതില്‍ ഒന്നിനെയും 
കുറ്റപെടുത്താന്‍ ഞാന്‍ ഇഷ്ടപെടുന്നില്ല . 
എല്ലാം വിധി ആണെന്ന് സമാധാനിച്ച് , 
വിധിയെ പഴിച്ചു കഴിയുകയായിരുന്നല്ലോ ഞാന്‍..

പക്ഷേ ഇന്ന് ഒരു ചാറ്റല്‍ മഴയുടെ രൂപത്തില്‍ 
നിന്‍റെ ഓര്‍മ്മകള്‍ വീണ്ടുമെത്തി .
എത്ര ശ്രമിച്ചാലും ആ ഓര്‍മ്മകള്‍ മനസ്സില്‍ 
നിന്നു  മായ്ച്ചു കളയാന്‍ പറ്റില്ല എന്ന്
ഇന്നു ഞാന്‍  മനസ്സിലാക്കുന്നു . 

കാരണം സ്നേഹം , 
അത് എത്ര ശ്രമിച്ചാലും സ്വബോധത്തോടെ 
മനസ്സില്‍ നിന്നും തുടച്ചു മാറ്റാന്‍ കഴിയില്ല 
എന്നതാണ് സത്യം .