Saturday, December 8, 2012

സ്നേഹം ഒരു സ്വപ്നം















സ്നേഹം എനിക്കെന്നുമൊരു സ്വപ്നം
ചരട് പൊട്ടി അകലെ പറക്കുമൊരു 
പട്ടം പോല്‍.
പച്ചക്കുന്നിന്‍ നെറുകയില്‍ നെല്ലിമര കീഴില്‍;
സ്വപ്നത്തിന്‍ ചരടും തെരുപ്പിടിച്ചു,
വിതുംമ്പുമൊരു കുട്ടി ഞാന്‍.
മിഴിനീരിന്‍ മേഘതുണ്ടുകള്‍ക്കിടയില്‍
മഴവില്ലായി നിന്ന പട്ടം,
എന്‍ വിജനമാം വഴിത്താരയില്‍
വീണു കിട്ടുമൊരു പൂവിതള്‍ പോല്‍.
നീലവാനില്‍ വര്‍ണ്ണച്ചിറകു 
വിടര്‍ത്തിയെന്‍ സ്നേഹ പട്ടം.
എന്‍ നീലക്കണ്ണില്‍ വിരിയും നിന്‍ മുഖം;
നിന്‍ സ്നേഹ ചിറകിലേറി പറന്നു;
ഒരു താരകമാകാന്‍ കൊതിപ്പൂ ഞാന്‍.
പട്ടത്തിന്‍റെ ചരടില്‍ തൂങ്ങി
ആകാശത്തിലേക്ക് പറക്കും നേരമെന്‍,
നിന്‍റെ വിരല്‍ തുമ്പില്‍ തീരത്തൊരു;
സ്നേഹബന്ധം എന്നില്‍ നിന്നും 
പറന്നകലുന്നു............
മാഞ്ഞുപോം സ്വപ്നത്തിന്‍ തുണ്ടില്‍;
പൊട്ടിയ പട്ടത്തിന്‍ ചരടും പിടിച്ചു
ഈ വിരഹത്തിന്‍ മലമുകളില്‍,

ഒരു താരകമാകാന്‍ കൊതിച്ചു ഞാനും.